“Məktəbim” sosial françayz kimi fəaliyyət göstərir. Bu, o deməkdir ki, siz “Məktəbim” brendi adı altında öz  məktəbəqədər təhsil biznesinizi idarə edir və  eyni zamanda 2-6 yaş arası uşaqlar üçün əlçatan, yüksək keyfiyyətli təhsilin geniş yayılması missiyasına töhfə verirsiniz.

 

“Məktəbim” Təhsil Nazirliyi tərəfindən məktəbəqədər təhsil təminatçısı kimi tanınır – Məktəbim-də təhsil alan bütün uşaqlar Dövlət Məktəbəqədər və Ümumi Təhsil Agentliyinin rəsmi qeydiyyat bazasına daxil edilməlidir.

 

İllik Sosial Françayz haqqı: 600 AZN (hər il françayzi tərəfindən ödənilir)

Françayzın verdiyi faydanın dəyəri:`   İlkin il üçün 10,000 AZN-dən çox   

İkinci ildən etibarən françayzinin iştirakından asılıdır.

 

Sosial françayzidən “Məktəbim” biznesinə başlamaq üçün nələr tələb olunur:

• 12 uşaqdan ibarət qruplar üçün məkan – ev, icarəyə götürülmüş sahə və s.
• Əgər Məktəbim-in sahibi həm də məktəbəqədər qrupun müəllimi olaraq fəaliyyət göstrəcəksə, ilk 6 ayın kirayə və inzibati xərcləri qarşılamaq üçün kifayət qədər vəsaitinin olması tövsiyə olunur ki, kredit üçün müraciət etməyə ehtiyac qalmasın.
• Əgər Mektebim-in sahibi sadəcə işəgötürən kimi idarə edirsə, ilk 6 ay üçün kirayə, inzibati xərclər və işə götürüləcək müəllimin əmək haqqını ödəmək üçün kifayət qədər yığımının olması tövsiyə olunur.

 

POTENSİAL GƏLİR: Hər uşaq üçün həftədə 12 saat xidmət təklif olunur

Bu yalnız tövsiyə xarakteri daşıyır, tələb deyil. UAFA fərdi şəkildə məsləhətlər verəcəkdir.

	Aylıq qiymət AZN	Uşaq sayı	Cəmi AZN
Bakı	150	20	3000
Digər şəhərlər	90	20	1800
Bölgələr	59	20	1180

 

QƏBULEDILMƏ PROSESI

 

1-ci mərhələ: Müsahibələr

• Əvvəlcədən zəng vasitəsilə ilkin namizədlərin yoxlanılması
• Seçilmiş namizədlərə qəbul haqda məlumat paketi təqdim edilir
• Onlayn sual-cavab vebinarı
• Canlı və Zoom müsahibələri
• Yekun seçim
• UAFA ilə Sosial Françayzi arasında müqavilənin imzalanması

 

2-ci addım: Başlanğıc mərhələsi

• 35 saatlıq sertifikatlaşdırılmış təlim (onlayn və əyani):
• Erkən uşaq inkişafı (15 saat)
• “Addım- addım” Pedaqoji Proqramı (14 saat)
• Biznesin təşkili : Qeydiyyat, vergilər, hesabatlar və sair (2 saat)
• Biznes qurmaq, İdarəetmə və Satış (5 saat)
• Avadanlıqların təminatı[1]: 12 uşaq üçün tam oyuncaq və avadanlıq dəsti
• “Addım-addım” metodologiyasına əsaslanan məktəbəqədər otaqlarının qurulması üçün fərdi məsləhət
• Şokki Mokki dəstəyi ilə açılış tədbiri (ödənişsiz)
• Məktəbim brend adı altında fəaliyyət hüququ

Başlanğıc paketin təxmini dəyəri: 5000 AZN

 

3-cü addım: Xidmət zamanı dəstək

• Məktəbim Pedaqoji Proqramı – Məktəbəqədər Təhsil Səyahəti
• Dövlət proqramı, “Addım- addım” metodologiyası və inklüziv təcrübəyə əsaslanan  proqram
• Proqramın məzmunu: 49 həftəlik mövzular və hər mövzu üçün yaşa uyğun fəaliyyət nümunələri
• Fəaliyyətlər üçün müxtəlif öyrənmə mərkəzləri yaradılır, uşaqlar gün ərzində bu mərkəzlər arasında rotasiya edir
• Müxtəlif öyrənmə ehtiyacları olan uşaqları dəstəkləyən inklüziv tədris metodları tətbiq olunur

 

• Məktəbim təlimat kitabı – Ətraflı uşaq inkişafı bələdçisi
• Pedaqoji proqrama uyğun təhsil alətləri və resursları, müxtəlif öyrənmə üsulları üçün inklüziv tədris materialları
• Müxtəlif yaş qrupları üçün strukturlaşdırılmış kurikulum (0-6 yaş)
• Bütün uşaqları əhatə edən inklüziv tədris praktikaları
• Portfellər və müşahidələr kimi qiymətləndirmə vasitələri ilə irəliləyişin monitorinqi
• Effektiv tədris üçün valideynlərin iştirakı təşviq edilir
• Biznes Bələdçisi – Məktəbim-i biznes kimi necə idarə etmək
• Biznes planlaşdırma və strategiya, maliyyə idarəçiliyi, marketinq və brendinq, satış strategiyaları, müştəri münasibətləri, insan resursları və komanda idarəçiliyi, inkişaf strategiyaları, uğurun ölçülməsi haqqında rəhbərlik
• Satış və Marketinq
• Satış və Marketinq üzrə rəhbərlik, brendinq məlumatları daxil olmaqla
• Yüklənə bilən broşürlər
• Sosial Media üzrə rəhbərlik

Xidmət zamanı paketinin təxmini dəyəri: 5000 AZN+

 

 

4-cü addım: Peşəkar inkişaf və davamlı dəstək (2-ci il və sonra)

• İllik üzvlük faydaları:
• UAFA vebinarları, təlim kursları, kitabxana və digər onlayn dəstəyə pulsuz giriş
• Məktəbəqədər xidmətlərin keyfiyyətini artırmaq üçün davamlı pedaqoji və inklüziv təlimlər
• Keyfiyyət təminatı və uşaq müdafiəsi üzrə potensialın artırılması
• Digər UAFA təlimləri və əlavə təhsil materialları üzrə endirimli qiymətlər
• Biznes, maliyyə, uşaq inkişafı və məktəbəqədər təhsil üzrə ekspertlərlə məsləhətləşmələr
• Məktəbim brend adından istifadə hüququ
• Üzvlük faydaları hər il daim artır.

 

Aktivlər 3 illik istifadə hüququ şərtləri ilə təqdim olunur. Bu müddət ərzində sahibkar “Məktəbim” məktəbəqədər təhsil müəssisəsini açmazsa, başqa bir brend adı altında fəaliyyət göstərərsə və ya biznesi bağlamaq niyyətində olmazsa, aktivlər UAFA-ya qaytarılacaq. 3 ildən sonra aktivlərin mülkiyyət hüququ françayziyə keçir.